Shqipëria pret nesër Çekinë në orën 20:45. Kjo sfidë do të luhet në stadiumin “Arena Kombëtare” dhe vlen për Grupin B1 në Ligën e Kombeve.
Para ndeshjes foli mbrojtësi Arlind Ajeti. Mbrojtësi kuqezi theksoi se skuadra i ka cilësitë për të arritur kualifikimin në Botëror, ndërsa e cilësoi sulmuesin Tomáš Chorý si rrezikun numrin një të kundërshtarit.
Objektivi- “Besoj i kemi të gjitha cilësitë e duhura të arrijmë kualifikimin në Botëror, është rrugë e gjatë, besoj nëse mundohemi të japim maksimumin dhe të japim shpirtin për Kombëtaren do ta arrijmë dhe atë.
Tifozët- “I bëjmë thirrje tifozëve që të respektojmë himnin e Çekisë, të tregojmë anë të mirë pavarësisht çfarë ka ndodhur në Çeki, të tregojmë anën tonë të mirë. Shpresoj të shoh ekipin që ishte në Gjeorgji, e dijmë që ndeshje e vështirë, i dimë dhe cilësitë e Çekisë. Jemi përgatitur mirë dhe shpresojmë t’ja dalim”.
Dueli me Chory – “Ai ka bërë në ndeshje shumë të mirë, ka qenë shumë i rëndësishëm për Çekinë. Fizikisht është afër 2 metër dhe është shumë e vështirë ta ndalësh, shpresoj që nesër t’ia dalim që të mos shënojë gol”.
Renditja në Ligën e Kombeve – “Janë të gjitha të mundura në futboll. por unë besoj te ekipi, të cilësitë e çdo lojtari dhe normalisht synojmë vendin e parë, të fitojmë dy ndeshjet e marrim vendin e parë, Sigurisht, çdo gjë është e mundur, por me cilësinë që e kemi, besoj që nuk do biem”.
Forma e Shqipërisë: “Shpresoj të shohim ekipin që ishte në Gjeorgji, e dimë që ndeshja do të jetë shumë e vështirë, i njohim cilësitë e Çekisë, e kemi përgatitur mirë ndeshjen dhe shpresojmë t’ia dalim”.
