Ministri i Financave dhe Ekonomisë, Arben Ahmetaj zhvilloi një interpelancë live, me përfaqësues të bizneseve të vogla. Në kuadër të vijimit të dialogut për përfshirjen në skemën e TVSH-së bizneset që e kalojnë xhiron vjetore 2 mln lekë, sipërmarrës të biznesit të vogël i drejtuan ministrit Ahmetaj pyetje për skemën e TVSH-së, njohjen e shpenzimeve të zbritshme etj., për t’iu përgjigjur ministri.
Për Ahmetaj ky nuk është takimi i parë me biznesin e vogël.
Gjatë diskutimit me biznesin e vogël, ministri Ahmetaj gjithashtu shtoi se qeveria po diskuton lehtësimin e sipërmarrjes, duke rritur pragun nga 8 mln në 10 milion për tatim fitimin e thjeshtuar, 5%.
Përpara se t’i referohej çdo pyetje ministri theksoi dhe njëherë se filozofinë e qeverisë në lidhje me vendosjen e pragut të TVSH dhe qasjen ndaj biznesit të vogël. “Dua t’ju kujtoj se qeveria Rama hoqi taksën e biznesit të vogël dhe e aplikuam zero për bizneset nga 0-5 mln, si pjesë e paketës së solidaritetit,”- tha Ministri gjatë interpelancës.
Sipas ministrit biznesi i vogël nuk shikohet si një burim të ardhurash nga qeveria, por si një burim vetëpunësimi. Për ne, -shtoi ministri gjatë interpelancës live, vetëpunësimi nëpërmjet biznesit të vogël është një aspekt shumë i rëndësishëm ekonomik.
Këtë ministri e argumentoi duke thënë se kanë përfituar nga ulja e taksës, apo lehtësimi fiskal rreth 80 mijë biznese të vogla.
Duke iu referuar fjalëve të sipërmarrësve që morën pjesë në diskutim, Ahmetaj mbështeti se kush fiton më shumë duhet të paguajë më shumë.
Për këtë ai rikujtoi se për 19 mijë biznese, qeveria e rriti taksën nga 10 në 15 %.
Pjesa më e madhe e sipërmarrjeve, 75%, përfituan nga ulja e taksave.
Për ministrin taksat nuk janë rritur, ndërsa 80 mijë biznese përfituan ulje drastike të tyre. Duke qenë se vetëm 0.8% e të ardhurave e marrin nga ju, ne jemi shumë të qartë që qëllimi jonë nuk është që të fokusohemi me kontrolle te bizneset e vogla, iu drejtua ministri sipërmarrësve të biznesit të vogël, duke ripërsëritur se TVSH-ja nuk është një taksë e re e për ta.
Ministri gjithashtu theksoi se nuk do të ketë kosto administrative, pasi deklarimi do të jetë i thjeshtuar.
“Ne mënyrën e deklarimit do ta bëjmë shumë të thjeshta. Administrata tatimore do të vijë në secilin nga ju që t’ju ndihmojë. Nuk do të ketë asnjë gjobë për deklarim të gabuar. Kryeministri ka urdhëruar që nuk do të vendosen gjoba. Do të shkojmë derë më derë dhe do të ndihmojë edhe do të ndajmë informacion, që të jetë në finale në favorin tuaj”- tha ministri.
Duke u ndalur te çmimet, ai përgjigj në emër të biznesit të vogël që nuk do të ketë rritje çmimesh.
“Fakti tregon se nuk ka rritje çmimesh. Çmimet i vendos tregu. Kostoja e TVSH-së ka qenë aty. Kur zbriti fasha për deklarim nga 8 në 5 milionë nuk pati lëvizje të tyre,-” dha si shembull Ahmetaj
Kosto nuk do të ketë, çmimet nuk do të rriten, po as bizneset nuk do të mbyllen. Për Ahmetajn numri i bizneseve të vogla do të vijë gjithnjë në rritje. Ai tha se ka 14 mijë biznese të reja neto.
Për sa i përket pyetjes për TVSH 6% për hoteleri-turizmin, edhe ju e do e përfitoni për biznesin tuaj.
Informacion i fundit që ka të bëjë me shpenzimet, keni mundësi të përfitoni të zbritshme të gjitha shpenzimet që ju keni. Shumë sipërmarrje do të dalin me TVSH të kreditueshme, veçanërisht në deklarimet e para.
