Nazmi Gripshi është shfaqur përsëri protagonist në Kazakistan. Fantazisti shqiptar ka gjetur golin e radhës në ndeshjen që ekipi i tij Astana, po fiton 5-0 në shtëpi përballë Zhetsy Taldykorgan.
Gripshi ishte ai që shënoi golin e dytë për të tijët, në minutën e 18-të të sfidës. 27-vjeçari u tregua i saktë nga 11-metërshi, duke e dërguar topin në rrjetë dhe duke dyfishuar rezultatin.
Kujtojmë që ky është goli i 9-të sezonal për mesfushorin shqiptar. Gjithashtu, Gripshi numëron edhe 4 asistime, në 19 ndeshje të zhvilluara deri më tani me Astanën.
View this post on Instagram
