Ernest Muçi ndihmoi Besiktas në fitoren 2-1 në ndeshjen e Europa League duke shënuar golin e parë të takimit.
Ky ishte goli i tretë radhazi i sulmuesit të Kombëtares me Besiktas pas golave në kampionat ndaj Galatasaray-t dhe Kasimpasa-s.
Pas ndeshjes ku sulmuesi kuqezi realizoi një gol, Muçi u shpreh i lumtur.
“Jam shumë i lumtur, kishim humbur dy ndeshjet tona të fundit. Tani bëmë një kthim të mirë te fitoret. Falënderoj tifozët, ne bëmë një reagim të mirë. Do të vazhdojmë në këtë rrugë.
Golat që po shënoj? “Ne punojmë për gjithçka. Unë jam i lumtur të ndihmoj ekipin tim, dua të vazhdoj kështu”, tha ai.
