Bordi drejtues i Real Madrid është ndarë në disa fragmente të ndryshme lidhur me përgjegjësit e probleme aktuale të skuadrës.
“Los Blancos” po performojnë dobët dhe rrezikojnë shumë në këtë sezon futbollistik. Barcelona vetëm po rritet dhe kjo krijon shqetësime të mëdha në Madrid.
Gazeta AS raporton se disa drejtues të klubit ia hedhin fajin trajnerit Carlo Ancelotti. Sipas tyre, italiani nuk është shumë krijues me taktikat e tij, sepse nuk ndryshon thuajse kurrë.
Ata e kritikojnë për faktin që Mbappe dhe Bellingham nuk kanë gjetur një pozicion të saktë, ku mund të japin më të mirën në fushë.
Ndërkohë, një grup tjetër i drejtuesve madrilenë nuk e shohin problemin tek Ancelotti, por te lojtarët e sulmit. Sipas tyre, Mbappe nuk mbron dhe as nuk sakrifikon për skuadrën, ndërkohë që Bellingham dhe Rodrygo kanë shenja xhelozie dhe nuk angazhohen për skuadrën.
