Presidenti i Republikës, Bajram Begaj, ka uruar Donald Trump për fitoren në zgjedhjet Presidenciale të SHBA-së.
Begaj në mesazhin e tij në rrjetet sociale, shkruan se Shqipëria vlerëson miqësinë e gjatë dhe partneritetin strategjik me Shtetet e Bashkuara të Amerikës dhe se ai pret që ta forcojmë më tej këtë bashkëpunim të ngushtë.
“Urime për fitoren në zgjedhje, @realDonaldTrump! Shqipëria vlerëson miqësinë tonë të gjatë dhe partneritetin strategjik, dhe unë pres që ta forcojmë më tej këtë bashkëpunim të ngushtë”, – shprehet Presidenti i Republikës Bajram Begaj, në mesazhin e urimit.
