Një aksident i rëndë automobilistik është regjistruar mbrëmjen e kësaj të marte në Jonufër të Vlorës.
Nga informacionet paraprake mësohet se një furgon tip “Benz” është përplasur me një automjet tip “Golf”. Si pasojë e aksidentit kanë mbetur të plagosur shoferi i “Golf-it” dhe pasagjeri në mjet me të.
Burime bëjnë me dije seasagjeri ka mbetur i plagosur në gjendje të rëndë shëndetësore, pasi është bllokuar brenda mjetit, dhe ka pasur nevojë për ndërhyrjen e kalimtarëve dhe policisë për ta nxjerrë nga automjeti.
Rruga ka qenë e bllokuar për disa minuta, ndërsa të dy të plagosurit janë transportuar me urgjencë në spitalin e Vlorës për të marrë ndihmën mjekësore.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
