1 ton kokainë të sekuestruara 3 ditë më parë në Madrid të Spanjës kanë bërë bujë në mediat ndërkombëtare. Si pasoj e një operacioni të DEA-s amerikane dhe Europol në pesë trafikantët e arrestuar bënin pjesë edhe dy shqiptar.
Mediat kolumbiane kanë dhënë ditën e sotme detaje të tjera nga sekuestrimi i 1 ton kokaine në Madrid. Radio kolumbiane ‘Caracol’ tha se droga erdhi në rrugë ajrore e paketuar nga Kolumbia. Rrjeti i ri i avionëve ‘Narco Jet’ mësohet të jetë klient i ri për trafikantët kolumbianë.
Radio kolumbiane ka dhënë edhe detaje të tjera për dy shqiptarët e arrestuar të trafikut të kokainës – Julian Deblini dhe Dritan Gradica. “Anëtarët shqiptarë kanë marrë pjesë në luftën ballkanike. Shqiptarët veprojnë me profesionalizëm ushtarak” – mësohet të ketë informuar radio kolumbiane. “Kolumbianët kanë shtuar se trafikantët shqiptarë janë shumë brutalë dhe efektivë. Ata kanë fituar besueshmëri ekonomike dhe paratë ua çojnë familjeve të tyre” – vijon radio kolumbiane.
