Gjykata e Lartë dhe autoritet ligj-zbatuese kanë bërë ekstradimin e shtetasit rus Igor Kokunikov drejt Rusisë duke shpërfillur vendimin e Gjykatës Kushtetuese dhe shkelur parimet dhe disa konventa ku Shqipëria bën pjesë.
Mbrëmjen e së mërkurës shtetasi rus Igor Kokunikov, është nxjerrë nga paraburgimi dhe është nisur drejt Rusisë, ku pritet të përballet me akuzat e për përfshirje në veprimtari kriminale.
Ekstradimi i tij është bërë në shkelje të ligjit dhe duke shpërfillur vendimin e Gjykatës Kushtetuese. Ndonëse Gjykata e Lartë 35 ditë më parë kishte marrë vendimin për lejimin e ekstradimit të shtetasit rus Kokunikov, nuk e ka zbardhur këtë vendim sipas detyrimit ligjor, duke bërë që avokatët e Kokunikov të mos kishin mundësi apelimi.
Në këto kushte avokatët e Kokunov i janë drejtuar për ankimim Gjykatës Kushtetuese, që në limite kohore ka vendosur pezullimin e vendimit të ekstradimit. Por ky vendim i Gjykatës Kushtetuese është shpërfillur nga autoritetet shqiptare që bazuar vetëm në vendimin e Gjykatës së Lartë kanë bërë ekstradimin e shtetasit rus Igol Kokunikov drejt atdheut tij.
- Kush është Igor Kokunikov?
Igor Kokunikov (59 vjeç) ishte shpallur në kërkim ndërkombëtar nga autoritetet ruse, pasi ndaj tij ka një vendim dënimi me 15 vite burg si pjesëtar i një organizate të rrezikshme kriminale.
Që prej arrestimit të Igor Kokunov, avokati i tij mbrojtës ka këmbëngulur që ai të mos ekstradohej, qëndrim që e mbajti dhe këtë të martë kur gjykata dha dritën jeshile për dërgimin e 59-vjeçarit drejt Moskës.
Igor Kokunov u arratis më 22 Shkurt të vitit 2022 nga “arresti shtëpiak” në pritje të gjykimit. Ai akuzohet për krime si rrëmbimi, zhvatja, grabitja, mashtrimi dhe organizimi i biznesit të paligjshëm.
