Vllaznia ka fituar klasiken përballë Tiranës me rezultatin 3-4.
Takimi i zhvilluar në “Roza Haxhiu” të Lushnjes u zhbllokua shpejt teksa për shkodranë realizoi Bekim Bala. Numri 9 i kuqebluve realizoi fillimisht nga pika e bardhë e penalltisë, pas faullit të Gjumsit ndaj Dodajt, me gjyqtarin Jorgji që akordoi penallti në favor të shkodranëve.
Ndërkohë që 9 minuta më vonë ishte sërish Balaj që me kokë goditi saktë për golin e dytë, duke shfrytëzuar saktë harkimin nga Mala. Esat Mala, i cili do të ishte protagonist teksa në minutën e 34 realizoi edhe golin e tretë për Vllazninë.
Bajroviç shkurtoi diferencën e golave në pjesën e dytë, por për të shuar shpresat e bardhebluve mendoi Gruda për golin e 4 dhe vulosur fitoren e Vllaznisë në klasiken e futbollit shqiptar. Goli i dytë për Tiranën i realizuar nga Bajroviç me 11 metërsh shërbeu vetëm për statistikë.
Për t’u përmendur edhe fakti se, sfida u ndërpre për afro 13 minuta nga gjyqtari Enea Jorgji për sende të hedhura në fushë nga tifozët bardheblu, drejtuar lojtarëve të Vllaznisë.
Me këtë fitore Vllaznia ngjitet në përkohësisht në krye të renditjes me 18 pikë, ndërsa Tirana mbetet prapa në vendin e 7 me 11 pikë.
