Pensionistët po protestojnë ditën e sotme para Kryeministrisë, e dyta brenda javës.
Gjatë protestës, një prej pensionistëve ka shfaqur probleme shëndetësore. I moshuari është shoqëruar me ambulancë drejt spitalit për ndihmë mjekësore.
Ende nuk dihet shkaku i përkeqësimit të gjendjes së tij shëndetësore.
Kjo është protesta e dytë që pensionistët po organizojnë. Ata kanë përsëritur kërkesën e tyre për rritje të pensioneve në kufirin e pagës minimale. Një pjesë e tyre kanë shprehur pakënaqësi në lidhje me rritjen prej 4.6% në pensione, duke marrë si shembull rritjen e vendeve fqinje me 20%. Pensionistët kërkojnë që qeveria të marrë masa të menjëhershme për të adresuar këtë diferencë.
