Pep Guardiola ka zgjedhur dy lojtarë që nuk e kanë fituar kurrë Topin e Artë, por e kanë merituar në të gjitha rrethanat. Sipas tij, ata janë Xavi dhe Iniesta.
“Cristiano Ronaldo dhe Leo Messi kanë bërë gjëra të rralla për 15-20 vite. Cristiano ishte një përbindësh dhe babai i përbindëshit ishte Messi. Në një nga këto vite, Xavi dhe Iniesta duhej ta fitonin trofeun individual, sipas meje”.
“Tani është një epokë tjetër. Të gjithë mund të fitojnë Topin e Artë”, ka thënë trajneri i Manchester City, i cili i është gëzuar faktit se tashmë ka një tjetër lojtar të tij të vlerësuar si numri 1 në botë, Rodri.
