Ish-kryeministri Sali Berisha e ka ciësuar garë mashtruesish shifrat e dhëna nga kryeministri Edi Rama dhe ministri i Brendshëm, Fatmir Xhafaj, në goditjen e grupeve kriminale. Përmes një komenti në rrjetet sociale, Berisha shprehet se dështimin e plotë në luftën kundër krimit të organizuar, narkoqeveria e ka zëvendësuar me mashtrime dhe statistika të rreme.
“Garë mashtruesish!
Të dashur miq, në një kohë kur krimi godet çdo ditë dhe pamëshirë, në një vit narkopolicia ka goditur vetëm një grup, atë të aktit narkoterrorist në Shkoder nga 40 grupet kriminale të shpallura nga vetë Xhafa!
Dështimi i plotë në luftën kundër krimit të organizuar, narkoqeveria e ka zëvendësuar me mashtrime dhe statistika të rreme!
Pasi denoncova këtë dështim të plotë në luften kundër krimit të organizuar, Rama dhe Xhafa këto ditë u vunë në garë se cili do gënjejë më shumë. Ndërkohë Rama në TV deklaroi se janë goditur 9 grupe kriminale pa cituar as dhe një grup të goditur, kurse Xhafa e zbuti pak mashtrimin e Ramës dhe deklaroi se janë goditur 8 grupe të rrezikshme kriminale, duket ai kishte parasysh këtu grupet terroriste të xixellonjave që e çmendin fare narkopolicinë.
Aq sa mund të mbulosh diellin me shoshë po aq mund të mbulosh dështimin e plotë me Fatziun!”, shkruan Berisha.
