Ka nisur në Theatre du Chatelet të Parisit ceremonia e “Topit të Artë 2024”, çmim i dhënë nga France Football për futbollistin më të mirë të vitit.
Pasi Real Madrid vendosi të anashkalojë ceremoninë e ndarjes së çmimeve, shenjat tregojnë se fitues do të jetë Rodri i Manchester City-t, i cili sezonin e kaluar fitoi Premier League, Kampionatin Evropian me Spanjën, Superkupën e UEFA-s dhe Kupën e Botës për Klube.
Spanjolli, sipas informacioneve paraprake, ka mundur brazilianin Vinicius Jr dhe Bellingham, por gjithçka është e paqartë ndërse mbetet për tu parë se kujt do t’i shkojë ky çmim individual.
Sonte do të jepet edhe Topi i Artë për femra, çmimi Kopa për meshkuj për lojtarin më të mirë të ri dhe çmimi Jashin për portierin më të mirë. Gjithashtu, do të ndahen çmime për trajnerin më të mirë mashkull dhe femër.
