Përdorimi i Top Channel nga Saimir Tahiri. Ja si gënjeu sot televizioni kombëtar
Ishte televizioni Top Channel ai i cili gjatë orëve të paradites transmetoi një lajm se vëllai i ish-deputetit të PD-së Enkelejd Alibeaj, Taulant Alibeaj ishte arrestuar në Gjermani.
Me të kaluar pak minuta nga lajmi, kanë ardhur edhe reagimet e Alibeajt. Gjithçka është përgënjeshtruar. Taulant Alibeaj ka dhënë dhe intervista për median madje, ku e ka përgënjeshtruar personalisht lajmin.
Burime nga ky televizion thanë se nga komunikimet me ministrinë e Brendshme, këta të fundit kanë pretenduar për një ‘letër-porosi’ të mbërritur nga autoritetet gjermane, ku kërkoheshin të dhëna për vëllanë e deputetit Alibeaj.
Të dhënat e deritanishme sugjerojnë se Ministria e Brendshme ka keqpërdorur komunikimet e konfidenciale me palën gjermane për lojë politike në Tiranë, madje ka shkuar shumë larg pasi në informacionin që i është dhënë ‘Top-Channel’ u është lënë të kuptohej se Taulant Alibeaj ishte arrestuar.
Enkelejd Alibeaj është një ndër zyrtarët më aktivë në PD në denoncimin e zyrtarëve shtetërorë të rilindjes me rekorde kriminale. Çdo ditë Enkelejd Alibeaj denoncon shkelje të Policisë së Shtetit dhe Ministrisë së Brendshme.
Ministria e Brendshme nuk ka thënë asnjë fjalë në mënyrë zyrtare për këtë lajm, ndërsa burime zyrtare nga Policia e Shtetit nuk kanë komentuar këtë lajm duke u shprehur se nuk kanë asnjë informacion zyrtar në lidhje me lajmin e bërë publik në media./ Syri.net
