Guardia Di Finanza ka dhënë detaje të reja për operacionin e 30 prillit në Adriatik, kur u sekuestruan rreth 2.5 ton marijuanë dhe vunë në pranga katër skafistët shqiptarë. Ngarkesa u identifikua në brigjet e Brindisit, nga njësia aeronavale e Guardia Di Finanza në orën 02.00 të 30 prillit që ishte drejtuar në brigjet puljeze.
Skafistët sapo panë vedetat e shpejta të Repartit Operativ Aeronaval të Guardia Di Finanza Bari, nisën të hedhin ngarkesën në det. Në fund të operacionit bëjnë të ditur autoritetet ishin 10 koli marijuanë në det dhe 105 të mbetura në bordin e gomones, ku u gjet dhe një armë kallashnikov, dhe 30 fishekë.
Skafistët shqiptarë M. B. 40 vjeç, X. H. 30 vjeç, B. R. 30 vjeç, C. S. 37 vjeç, të gjithë nga Vlora, janë arrestuar për trafik ndërkombëtar droge. Dy prej tyre, sipas policisë italiane janë me precedent penalë.
Marijuana ishte paketuar dhe pesha e saktë është 2.517 kg, që nëse shitjen me doza do të sillte rreth 20 milionë euro.
<iframe width=”640″ height=”360″ id=”am__1131286″ frameborder=”0″ allowfullscreen src=”https://e.abingmedia.com/v/16/1131286.html”></iframe> <script src=”https://static.abingcdn.com/assets/maxcdn/am__loadplayer_v2.js”>{“videoid”: “1131286”, “sid”:”16″}</script>
