Digjet një banesë në Dropull. Ngjarja ndodhi në orët e para të mëngjesit.
Një vatër zjarri e regjistruar orët e para të ditës së sotme në fshatini Dervician, Dropull, ka djegur plotësisht një shtëpi ndërsa flakët kanë rrezikuar edhe banesat fqinje me të.
Zjarri është shfaqur rreth orës 01:37 në një banesë në të cilën për momentin nuk jetonte njeri.
Kanë qenë banorët e fshatit Dervician të cilët të alarmuar nga flakët dhe tymi kanë njoftuar për ndihmë Shërbimin Zjarrikës.
Krahas zjarrfikësve të bashkisë Dropull në vendngjarje kanë mbëritur edhe zjarrfikësit e Gjirokastrës sepse flakët masive kishin përfshirë shtëpinë ndërsa rrezikonin të përhapeshin edhe në banesat e tjera në këtë zonë të Dervicianit.
U bë luftimi i flakëve me ujë të vazhdueshëm, izolimi dhe fikja e zjarrit pa lejuar depërtimin e tij në banesat pranë” sipas efektiveve zjarrfikës. Banesa ku u shfaq zjarri u dogj plotësisht ndërsa u arrit të evitohej dëmtimi i shtëpive të tjera.
