Andre-Jordy Ella është një nga emrat e rinj që iu bashkua Dinamos gjatë verës.
Sulmuesi anësor 19-vjeçar nga Gaboni shihej si një investim për të ardhmen e bluve, për të cilët ai nuk ka dhënë ende kontributin e tij,
Futbollisti ka shpjeguar në një intervistë të dhënë për mediat në vendlindje se si ishte situata te Dinamo, duke theksuar se po priste momentin e tij në këtë aventurë të parë në Europë.
Andre-Jordy Ella tha se trajneri Fatjon Tafaj që e mori në ekip tashmë është larguar dhe me ardhjen e Ilir Dajës nuk preferohet te kryeqytetasit.
“Që kur isha i vogël, ëndërroja të luaja në Europë, dhe kur u shfaq mundësia, unë fluturova një herë drejt Francës ku kalova disa teste mjekësore jo plotësisht. Por menjëherë më pas m’u tha rreth Shqipërisë dhe një klub që po kërkonte një lojtar me profilin tim, fillimisht hezitova, pro pastaj e pranova këtë sfidë.
Më pëlqen vendi. Gjitha është pak e vështirë, drejtuesit e klubit më kanë gjetur një mësues anglishteje me të cilin punoj. Unë isha gjithashtu në gjendje që të mësoja disa fjalë në gjuhën shqipe. Pastaj sa i përket anës sportive, është e vështirë. Trajneri që më kërkoi u largua dhe erdhi një tjetër. Unë gjithmonë mundohem të jap më të mirën gjatë stërvitjeve, edhe pse nuk kam luajtur ende në kampionat”, tha sulmuesi ofensiv i majtë.
“Unë jam shumë i durueshëm, kam parë edhe më keq. Por gjëja pozitive është që grupi më pranoi dhe ne ia kalojmë shumë mirë bashkë. Pastaj nuk jam i vetëm këtu, kam edhe Randi Esang Matouti i cili luan gjithashtu në Shqipëri. Klubet tona u ndeshën me njëri-tjetrin dhe unë pata mundësi të ndërroj numrin dhe flas me të. Ai më tha që të isha i fortë sidomos mendërisht. Kjo është eksperienca ime e parë në Europë dhe e di që gjërat do të shkojnë më mirë. Unë thjesht po pres shansin tim”, tha sulmuesi i Dinamos.
