Real Madrid rikthehet nesër për të luajtur në Champions ku do të ritakohet me Borussian e Dortmundit në “Bernabeu”.
Një kryqëzim të rikthehet në finalen e pesë muajve më pare, në Ëembley, në këtë kompeticion plot “yje”, por trajneri italian, Carlo Ancelotti, e di që skuadra verdhezi, me Sahin në stol, nuk është më e njëjta:
“Borussia ka ndryshuar, para së gjithash trajneri, por edhe disa lojtarë ruajnë të njëjtën ide për futbollin, i cili funksionon mirë dhe ka cilësi kolektive. Është një ekip intensiv, që luan mirë dhe me cilësi individuale dhe kolektive”, janë fjalët e para të Ancelotti në konferencën për shtypin.
Në Gjermani u publikua se Borussia nuk stërvitet në “Bernabeu” nga frika e spiunëve…
Real Madrid ka nëntë fitore, një humbje dhe tri barazime. Nga 1 në 100, si është ky Real Madrid?
Ne nuk jemi 100%, mendoj se kemi arritur një rezultat të mirë, por duhet të përmirësohemi në aspektin e lojës. Pak nga pak do ta bëjmë këtë.
Përveç soliditetit në mbrojtje, çfarë i mungon skuadrës?
Është gjithashtu një problem gjendja fizike, jo të gjithë janë në 100%. Duhet të punojmë pak më të bashkuar si ekip.
Çfarë i duhet skuadrës për të përmirësuar në nivelin taktik?
Ne jemi duke punuar në aspektin mbrojtës. Në nivelin sulmues kemi shumë opsione dhe mundësi. Nuk pranojmë shumë gola, është e vërtetë, por rivalët tanë kanë mundësi për të shënuar. Kur jemi solidë dhe kompaktë, kemi shanse më të mira për t’i fituar ndeshjet.
Si e shihni Modricin? A mund të luajë titullar kundër Borussias?
Ai është lojtar unik. Unik në botë dhe unik në stafin tonë. Ka përvojë spektakolare dhe një cilësi unike në menaxhimin e topit, në rolin e tij, në lojën e tij… Ai na ndihmoi shumë në këtë kuptim. Do ta bëjë edhe kundër Borussias, titullar ose jo.
