Sipas asaj që ka mësuar Sky Sports, Federata Angleze e Futbollit (FA) ka marrë një drejtim specifik për zëvendësimin e trajnerit aktual të përkohshëm Lee Carsley dhe ai është Thomas Tuchel.
Profili i trajnerit gjerman ishte shfaqur tashmë prej ditësh dhe dukej si një hipotezë e zbatueshme, por me shtimin e Terziçit dhe Guardiolës në listë, idetë u ngatërruan.
Megjithatë, sipas asaj që raportoi media angleze, FA aktualisht është në negociata me përfaqësuesit e Thomas Tuchel, me këtë të fundit që është në ‘pole position’ për t’u bërë trajneri i ri i Anglisë.
FA mendohet se ka përshpejtuar kërkimin e tyre për një trajner të përhershëm ditët e fundit, pas humbjes së Ligës së Kombeve ndaj Greqisë dhe komenteve të trazuara të Carsley për të ardhmen e tij.
Tuchel ka qenë pa punë që nga maji, kur u largua nga Bayern Munich për t’i hapur rrugë Vincent Kompany.
Negociatat mund të vazhdojnë shumë shpejt, edhe pse për momentin shumë detaje të kontratës së pritshme të Tuchel, ende nuk janë dakordësuar.
