Policia e Elbasanit ka arrestuar një 38-vjeçar i shpallur në kërkim ndërkombëtar nga drejtësia italiane. Në pranga është vënë shtetasi Olsi Bali, 38 vjeç, banues në Belsh.
Ai është kapur në Belsh nga blutë e Elbasanit pas shkëmbimit të informacioneve të sektorit të Trafiqeve me Interpol Tiranën me qëllim ekstradimin në Itali.
“Gjykata e Firences, Itali, i ka caktuar këtij shtetasi, masën e sigurisë “Arrest në burg”, për veprën penale “Trafikimi i lëndëve narkotike”, parashikuar nga Kodi Penal i Italisë.” – thuhet në njoftimin e Policisë.
Materialet procedurale i kaluan Prokurorisë së Elbasanit, për vijimin e procedurave të ekstradimit. Interpol Tirana po bashkëpunon me autoritetet italiane, për ekstradimin e 38-vjeçarit.
