Ish-presidenti amerikan Donald Trump tha se ka marrëdhënie të mira me liderin e Koresë së Veriut Kim Jong Un dhe presidentin rus Vladimir Putin.
Në një intervistë për Fox news, Trump ka diskutuar kërcënimet ndaj SHBA-së në nivel ndërkombëtar, ku u përpoq të qetësonte shqetësimet e qytetarëve, transmeton Hill.
“Më ndodh që të shkoj mirë me Kim Jong Un”, tha Trump.
Ai tha se ata kërcënuan njëri-tjetrin me luftë bërthamore dhe se Trump iu përgjigj kërcënimeve duke thënë se “butoni i tij i kuq është më i madh dhe funksionon”.
Republikani vuri në dukje se ish-presidenti Barack Obama dhe Kim ishin në prag të luftës bërthamore.
“Ne do të kishim një luftë bërthamore me miliona njerëz të vrarë. Dhe kur isha atje (në Shtëpinë e Bardhë), shkova mirë me Kim Jong Un,” tha ai.
Ish-presidenti përsëriti se ai gjithashtu “ja kishte shkuar mirë me Putinin”, duke thënë se ai do ta “zgjidhte” luftën midis Ukrainës dhe Rusisë brenda një dite nëse do të ishte në Shtëpinë e Bardhë tani.
