Janë zbardhur detaje të reja nga ngjarja e regjistruar mbrëmjen e sotme në Ballsh, ku Policia e Mallakastrës arrestoi tre persona, Elis Pashaj, 28 vjeç, dhe Juli Pashaj, 26 vjeç, si dhe fqinjin e tyre Agur Beqiraj, 76 vjeç.
Ky i fundit u arrestua pasi akuzohet për plagosjen me thikë të vëllezërve Pashaj, teksa mbi të rëndon akuza për veprën penale “Vrasje me dashje”, e mbetur në tentativë.
Ndërsa, dy vëllezërit u arrestuan, pasi mashtruan Policinë për të fshehur ngjarjen, duke deklaruar se ishin plagosur duke u konfliktuar me njëri-tjetrin. Mësohet se ata kanë plagë thike në kokë dhe në këmbë, teksa mbi ta rëndon akuza për veprën penale “Deklaratë e rreme përpara oficerit të policisë gjyqsore”.
Ndërkohë, misteri mbetet pse ata nuk e deklaruan plagosjen nga fqinji i tyre. Burime për mediat bëjnë me dije se njëri prej vëllezërve Pashaj u kap nga i moshuari brenda shtëpisë së tij në orët e para të mëngjesit. Vëllai tjetër dëgjoi zhurmën dhe shkoi më pas, duke mbetur dhe ai i palgosur.
Mësohet se 76-vjeçari Agur Beqiraj jetonte me bashkëshorten e tij dhe me nusen e djalit së bashku me dy fëmijët e saj, pasi djalin e ka emigrant në Greqi.
Edhe pse fqinjët kanë pohuar paraprakisht se i kanë ngacmuar nusen e djalit, nuk përjashtojnë dhe një tentativë për vjedhje.
Elis dhe Juli Pashaj jetonin vetëm një kat më poshtë të moshuarit
