Ish-kryeministri Sali Berisha ditën e sotme publikoi mesazhin e një qytetari ku thuhej se në dy ditë më parë në fshatin Shkozë e madhe në njësinë administrative të Thumanës në Fushë-Krujë është përdhunuar një 6-vjeçar, por ky rast është mbajtur i fshehtë.
Sipas mesazhit përdhunuesi ishte i afërmi i kryebashkiakun e Krujës Artur Bushi dhe për këtë arsye kjo ngjarje nuk u bë publike.
Në lidhje me mesazhin e publikuar nga ish-kryeministri Sali Berisha ka reaguar Policia e Krujës, e cila hekson se ky rast nuk është fshehur, por është publikuar në faqen e saj zyrtare.
Përsa i përketë përdhunimit të të miturit, blutë e Krujës theksojnë se autori i dyshuar është arrestuar dhe po merret në pyetje në lidhje me ngjarjen.
Njoftimi i policisë së Krujës
Në lidhje me një lajm të publikuar në media, me pretendimin se Komisariati i Policisë Krujë ka fshehur ngjarjen ju sqarojmë se:
Rasti që është trajtuar në media që bën fjalë për një shtetas, i cili dyshohet se ka kryer marrëdhënie seksuale me një të mitur, ju informojmë se autori i dyshuar shtetasi D.T, është arrestuar.
Policia nuk e ka fshehur si ngjarje, e ka publikuar si lajm në faqen zyrtare të Policisë së Shtetit pa dhënë më tepër detaje, me qëllim për të ruajtur dhe mos cënuar të drejtat e fëmijës.
Neni përkatës tregon edhe veprën penale që dyshohet se ka kryer shtetasi i arrestuar.
Vijojnë hetimet dhe pritet akti i ekspertit mjeko-ligjor në zbardhjen e plotë të saj.
Postimi i Sali Berishës
Ja çfarë shkruan Berisha në Facebook:
Narkopolicia fsheh krimin e shëmtuar të pedofilit që përdhunon 6 vjeçarin!
Lexoni mesazhin e qytetarit dixhital. sb
“Mirembrema z Berisha. Mbrem me dt 28 prill ne fshatin shkoz e madhe njesia administrative thumane bashkia kruje eshte perdhunuar nje femije i moshes 6 vjec dhe i dyshuari eshte ndaluar nga policia .por perdhunuesi eshte i familjes Toci me origjine nga burreli lidhje gjaku me familjen Gjek bushi ose babain e kry bashkis kruje z artur bushi. Ky z kry i bashkise kruje z artur bushi po ben te pamunduren qe ky lajm te mbyllet e kjo ceshtje te mbyllet si nje veprim e jo si nje perdhunim i te miturit per hakmarrje. Ne publik ose ne biseda private ne lokale bashkia kruje etikohet si bashki moldave. Se nga kryetari z artur si nga presidenti i firmes bami qe nderton e vjedh miliona euro ne tenderin e qytetit. si nga drejtori i ujerave e kanalizimeve kullimeve e emergjences z besnik i katapultuar nga bulqiza ne bashkin kruje jane tutor prostitutash. Edhe bashkia po ngjan si pasarele mode.ju lutemi denoncojeni kete akt te shemtuar e krim makaber kundrejt femijeve e femrave qe shfrytezohen seksualikisht per vendin e punes.”
