Lista e Kombëtares A pëson sërish ndryshime. Bëhet me dije se trajneri Silvinjo ka vendosur të afrojë në skuadër mesfushorin e Shpresave, Feta Fetai.
Lojtari do të bashkohet me ekipin në stërvitjen e pasdites dhe do të jetë pjesë e skuadrës për dy ndeshjet e Kombëtares ndaj Çekisë dhe Gjeorgjisë.
Mungesa e Gjimshitit për shkak të dëmtimit ka krijuar hapësirë që Sylvinho të plotësojë sërish numrin e lojtarëve në 24.
Pjesë e Lokomotivës së Zagrebit, Feta Fetai luan në mesin e fushës dhe mënyra e lojës dhe pamja e jashtme ka bërë që të njihet si “Modriçi shqiptar”.
Ndryshime ka edhe në listën e ekipit Kombëtar U-21. Trajneri Alban Bushi ka vendosur të thërrasë në grumbullim mesfushorin e Tiranës, Hajrulla Tola si edhe portierin e Vorës, Arbër Jata.
Portierët Simon Simoni dhe Endri Dema kanë ngarkesë në muskuj dhe për pasojë i duhen dy ditë të plota rikuperimi.
Shqipëria U-21 do të luajë më 15 tetor kundër Armenisë në stadiumin “Air Albania” në ora 18:00.
