Akuza të ashpra ndaj shqiptarëve ka hedhur sot e përditshmja serbe, “Kurir”. Gazeta ka paralajmëruar se do të zbulojë një skandal të madh në futbollin serb, përmes një serie shkrimesh. Shkrimet do të dalin me titullin “Mafia e futbolit”.
“Kurir” pretendon se një grup i organizuar kriminal shqiptarësh, që i drejtojnë vëllezërit Osmani është e përfshirë në aktivitet jo legal, kryesisht në transferimin e lojtarëve. Në shkrim, bëhet e ditur se mafia shqiptare fut para të pista në futboll.
“Mafia shqiptare fut para të pista në futboll. Këto para vijnë nga droga dhe armatimet dhe pastrohen në Serbi nëpërmjet futbollit”, shkruhet në gazetë.
Në ditët në vazhdim gazeta pretendon se do të nxjerrë fakte të reja dhe do të zbulojë skandalin më të madh të ndodhur në serbi.
