Pezullohet lundrimi detar për mjetet e vogla lundruese dhe ato të peshkimit për këtë të enjte si dhe përgjatë së premtes. Shkak është bërë era e fortë si dhe deti me dallgë.
Sipas njoftimit nga Kapiteneria e Portit Detar të Vlorës, drejtuesit e anijeve të peshkimit dhe mjetet e vogla lundruese, janë njoftuar për situatën e përkeqësuar dhe për marrjen e masave për sigurimin e mjeteve në port dhe marrjen e masave për sigurimin e tyre.
Lundrimi detar është pezulluar duke filluar nga ora 02:00 të kësaj të enjteje teksa përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 18:00 të datës 04.10.2024, kohë kur do të lejohet edhe lundrimit detar për këto mjete.
