Teuta dhe Tirana do të përballen në “Niko Dovana” të dielën më 6 tetor në kuadër të javës së 8-të të Kategorisë Superiore.
Të dyja skuadrat në sezonet e fundit kanë luajtur së bashku goxha takime të luftuara dhe me surpriza. Në dy sezone, skuadrat janë përballur 12 herë, katër herë në Kupën e Shqipërisë dhe tetë ndeshje në Superiore.
Fitoren e fundit në kampionat e ka Teuta 1-2. Në Kupë, Tirana është kualifikuar me penallti, por pasi shënoi një gol në shtesë 6 marsin e shkuar. Në kampionat, fitorja e fundit e Tiranës shënohet në 1 nëntor 2023 ose një vit më parë, por në shtëpi.
Fakt është që bardheblutë nuk fitojnë në Durrës prej 2 marsit 2022 me triumfin 0-2. Asokohe, drejtonte Orges Shehi dhe golat e ndeshjes i shënonte Taulant Seferi.
