Një person me biçiklete është aksidentuar mbrëmjen e kësaj të premte, rreth orës 21:00 në Pogradec, teksa po kthehej për në banesën e tij.
Nga informacionet paraprake, mësohet se ai, teksa po tentonte të futej nga rruga kryesore për në banesë, ka humbur kontrollin, është përplasur me bordurën dhe është rrëzuar.
Burime bëjnë me dije se ai ka marrë dëmtime në kokë, pas përplasjes me bordurën e trotuarit, dhe është transportuar në spitalin e Pogradecit për të marrë ndihmë mjekësore.
Policia mbërriti në vendngjarje dhe nisi hetimet mbi shkaqet e aksidentit. Pista që po hetohet është edhe mundësia që burri të ketë qenë nën efektin e alkoolit.
