Tre të rinj janë vënë në prangat e policisë, ndërsa një tjetër është shpallur në kërkim të akuzuar për vjedhje.
Në pranga kanë rënë Indrit Bendaj, 28 vjeç, Arben Paraj, 37 vjeç, dhe Erjon Paraj, 24 vjeç, që të tre banues në Vlorë.
Sipas policisë, arrestimi i tyre ka ardhur, pasi gjatë hetimeve të kryera, ka rezultuar se këta persona në bashkëpunim me njëri-tjetrin, janë autorë të një sërë vjedhjesh.
Konkretisht, më datë 23.04.2018, këta persona në bashkëpunim me njëri tjetrin kanë vjedhur banesën e P.R, 48 vjeçe, banuese në lagjen “18 Shtatori”, Gjirokastër. Po ashtu kanë tentuar të kryejnë vjedhjen e banesave të personave me iniciale A.M dhe L.H , banues në Gjirokastër.
Po vijon puna hetimore pasi këta persona dyshohen se janë edhe autorë të disa vjedhjeve të ndodhura në lagjen 18 Shtatori Gjirokastër, në vitin 2017.
Për këtë arsye, është shpallur në kërkim edhe personi me iniciale D.Ll.,
Materialet i kaluan Prokurorisë pranë Gjykatës së Shkallës Parë Gjirokastër për veprime të mëtejshme, për veprat penale “Vjedhje e kryer në bashkëpunim” dhe ” Vjedhje e kryer në bashkepunim, e mbetur në tentativë”.
