Analisti Arjan Curri akuzoi rëndë SPAK për dosjen Berisha, e konsideroi dosje budallaqe dhe që gjithçka që po bëhet është thjeshtë populizëm.
„Kjo dosje do t’i jepte pafajësi Berishës. Është një dosje e rrëmujshme, ku tregohet çdo gjë. Është dosje budallaqe. Dumani bëri gafën kur tha se gjykatat bëjnë çfarë thonë prokurorët, ndërkohë ai nuk di të flasë me logjikë. Beri gafën e dytë në parlament kur tha kemi krim intelektual”, tha Curri.
Arjan Curri, tha gjithashtu se dosja e Berishës nuk ka lidhje shkak-pasojë, ndërkoheë që Prokuroria e Posaçme nuk mund të ankohet për krimin intelektual dhe nuk mund të luftosh krimin intelektual me këtë dosje budallaqe.
Dosja me 500 faqe do të quhet dosje e shekullit. Ndërkohë Curri tha se SPAK me këtë që ka bërë është djegur.
„Nëse fëmija i jep para babait dhe nënës për të bërë pushime, SPAK nuk mund të thotë pse? SPAK këtë hetim e ka bërë të qëllimshme. Kjo është bërë që Berisha të marrë dënimin politikisht, thjeshtë do ta mbajnë të mbyllur brenda. Është antihumane që një person të asaj moshe ta mbajnë brenda. Nuk duan ata ta lëshojnë”, tha Curri.
