Ditën e sotme i gjithë vendi u përfshi nga reshje të dendura shiu.
Për pasojë reshjet me intensitet të lartë shkaktuan rënien e gurëve dhe inerteve në aksin Vau i Dejës – Pukë – Kalimash. Mësohet se është bërë i mundur pastrimi i aksit rrugor dhe qarkullimi tashmë vijon normalisht.
Ndërkohë në akset rrugore Lezhë-Shkodër-Hani Hotit, Lezhë-Shëngjin, Ura Bunës – Muriqan, Vau Dejës – Mjedë, Ura Kirit – Guri Zi – Vau Dejës, u bë i mundur pastrimi i kanaleve, kënetave dhe zonave që mbledhin ujë me qëllim vijimin e qarkullimit në mënyrë normale.
