Tirana është skuadra e vetme në Superiore që nuk e njeh as fitoren as humbjen në këtë fillim sezoni. Bardheblutë në 4 ndeshjet e Superiores të zhvilluara deri më tani kanë arritur të marrin 4 barazime.
Një ecuri e cila na ka rikthyer 8 vitesh pas. 4 barazime rresht kryeqytetasit i kanë bërë edhe sezonin 2016-2017.
Saktësisht në atë sezon do të barazonin me Teutën, Laçin dhe Partizanin në transfertë dhe ndaleshin sërish në barazim në sfidën në shtëpi ndaj Kukësit.
Ndërkohë në këtë sezon kanë barazuar me Laçin, Bylisin dhe Vllazninë në transfertë, ndërsa kanë barazuar edhe me Egnatian në shtëpi.
Ndërkohë nëse këtë fillim sezoni do ta krahasonim me sezonin e kaluar, atëherë bardheblutë kanë 6 pikë më pak. Në sezonin e kaluar pas 4 ndeshjesh kryesonin me 10 pikë.
