Janë mbylllur sot negociatat për formimin e qeverisë së re italiane.
Kryetari i Dhomës së Deputetëve të parlamentit italian, Roberto Fico, i ngarkuar me detyrën e negociatorit, për dy ditë rresht ka zhvilluar bisedime me përfaqësuesit e Partisë Demokratike dhe të Lëvizjes 5 Yje për arritjen e një aleance qeverisëse mes këtyre dy forcave politike.
Para gazetarëve, Roberto Fico, deklaroi se këto negoaciata patën një rezultat pozitiv.
“Dialogu mes Lëvizjes 5 Yje e Partisë Demokratike u vendos e ekzistojnë kushtet për një aleance qeverisëse”.
Partia Demokratike ka kërkuar kohë deri në mbledhjen e kryesisë kombëtare e përcaktuar më datë 3 maj, për të diskutuar e vendosur mbi pranimin e aleancës qeverisëse me Lëvizjen 5 Yje.
Pas takimit me Roberto Fico, kryetari i përkoshshëm i Partisë Demokratike Maurizio Martina deklaroi se “Partia Demokratike po përpiqet të ndihmojë vendin në një fazë kaq delikate të historisë institucionale e politike. Kemi mbërritur, në këtë pikë pasi për 50 ditë me rradhë kemi asistuar në përpjekje të ndryshme për të qeverisur e me një rezultat negativ. Po punojmë me shpirtin e shërbimit ndaj kombit e nën orientimet e dhëna nga Presidenti Mattarella” tha ai.
Ndërsa për Lëvizjen 5 Yjet dhe aleatët mundshëm qeverisës, Maurizio Martina deklaroi se vlerëson hapat e bërë nga Di Maio për të mbyllur çdo dialog politk me partinë Lidhja.
“Janë sinjale konkrete të dhëna nga 5 Yjet për bashkëpunim me ne, por nuk duhet të fshehim ndasitë politike mes nesh, e ky fakt duhet thënë në respekt të ndjenjës së përgjegjësisë e respektit.”
Nga ana tjetër, kreu i Lëvizjes 5 Yje Luigi Di Maio u shpreh se vlerëson linjën e ndjekur nga kryetari i përkoshshëm i PD-së Martina.
“Nuk mund të mohojmë betejat politike të 5 Yjeve , tha ai, por kërkojmë nga Partia Demokratike të bëjë një sforco për të mirën e vendit.”
Për kryetarin e partisë Lidhja, Matteo Salvini, dialogu i hapur mes 5 Yjeve dhe Partisë Demokratike i ngjan një telenovele.
“Por nëse kjo telenovelë merr fund , porta ime mbetet e hapur për 5 Yjet”, tha ai.
