Një tjetër futbollist kuqezi bëhet gati t’i bashkohet kampionatit rus të futbollit.
Mediat e huaja bëjnë të ditur se Marvin Çuni, ndonëse është pjesë e një klubi italian si Frozinone, është shumë pranë firmës me ekipin ku luan Mirlind Daku.
Bëhet e ditur se bisedimet mes palëve janë në stadin e avancuar dhe lojtari duket parimisht dakord që t’i bashkohet në ditët e ardhshme skuadrës së Rubin Kazan.
Çuni u cilësua si “një sulmues i të ardhmes” nga trajneri Silvinjo gjatë konferencës së fundit për mediat, ku sqaroi se e shihte atë si një alternativë për qendrën e sulmit kuqezi.
