Shtatori ka nisur me një fluks të lartë automjetesh nga Kosova drejt Shqipërisë në rrugën e Kombit.
Edhe këtë fundjavë bregdeti ka qenë zgjedhja e shumë qytetarëve nga Kosova për t’u freskuar, ndërsa temperaturat vijojnë të jenë të larta.
Gjatë paradites te se dielës në rrugën e Kombit janë shënuar radhë të gjata automjetesh. Fluksi i lartë ka rënduar më së shumti trafikun pranë rreth rrotullimit në Fushë Milot, në krahun verior në drejtim të Lezhës.
Gjatë fundjavës policia rrugore operon me kapacitete të shtuara për të monitoruar trafikun që shkaktohet.
