Nënkryetari i Këshillit Bashkiak të Tiranës, Dorian Teliti, deklaron se në bashkinë e Tiranës, nuk ka ndihmë ekonomike të dhënë gjatë muajit Gusht.
Teliti deklaron se 47% e fëmijëve janë të kequshqyer sipas UNICEF dhe shton se kjo është këmbanë alarmi pasi prindërit e këtyre fëmijëve janë në një gjendja akoma më të mjerueshme.
“Duhet parë dhe duhet studiuar struktura e ekonomisë nga njëra anë dhe struktura e popullsisë nga ana tjetër. Pra kush është larguar nga Shqipëria, janë larguar ato që përfaqësojnë fuqinë punëtore, ata që janë në moshë të re, ata që janë moshë aktive pune. Nuk janë larguar ata që nuk punojnë. Janë larguar ata që më para kishin hapur një biznes dhe kishin një sipërmarrje ku kishin marrë dhe dhjetëra, me qindra në punë, për të mbajtur në këmbë sipërmarjen e tyre , për ta zhvilluar atë dhe për të fituar.
Është larguar rinia, janë larguar studentët , unë jap mësim prej 18 vitesh tashme, dhe e shoh vit për vit te studentët, sidomos në vitet e fundit, që sa të marim diplomën thonë, do ikim direkt jashtë.
Të dhënat që kanë dalë para disa ditësh kanë qënë organizata ndërkombëtare për emigracionin, është në vijim të konstatimeve që ne këmi bërë prej kohësh, prej vitesh, që është largimi masiv i shqiptarëve, largimi masiv i fuqisë punëtore.
Në bashkinë e Tiranës, nuk ka ndihmë ekonomike të dhënë gjatë muajit Gusht. Kur të mblidhet në shtator me kismet këshilli bashkiak do të miratojë 2 muajt bashkarisht, edhe të shtatorit edhe të gushtit.
Këta i thonë prindit i cili është i varfër, që nuk ka mundësi të ushqejë fëmijën e vet, i thonë prisni disa javë se ne jemi me pushime, vendosmi dorën te barku, mos u ankoni, kur të kthehemi ne do ju japim atë lëmoshën 15, 20 apo 30 mijë lekëshin që jep bashkia për të blerë atë fetën e bukës thatë, të cilës maksimumi sipër mund ti hedhësh vetëm ujë për ta zbutur, edhe këtë të mohojnë kta.
Ne po flasim për ekzistencën bazike. 47% e fëmijëve janë të kequshqyer sipas UNICEF, është këmbanë alarmi se kur janë 47% të fëmijëve të kequshqyer, imagjinoni prindërit si janë, se nuk besoj të ketë një prind i cili të ushqejë veten e vet dhe të lërë pa ushqyer fëmijët e tij.
Kur mori drejtimin e bashkisë së Tiranës në 2014, Erjon Veliaj dhe Edi Rama I hoqën 4 pikat e matjes së ajrit, sa është ndotja e ajërit në Tiranë.”– tha Teliti në Syri TV.
