Anëtar i Këshillit Kombëtar të PD-së, Genc Pollo gjatë fjalës së tij në protestën e mbrëmjes së sotme, tha se në publik, dhe kryesisht në mediat e kapura nga pushteti dhe të majmura nga paratë e inceneratorëve, ka sulme të vazhdueshme ndaj partive politike. Partitofobi. Dhe sulmet më të mëdha vijnë për partinë demokratike dhe opozitën
Pollo tha gjithashtu se nëqsoftëse trishtohemi për gjendjen e Shqipërisë, për gjendjen e popullit, për gjendjen e demografisë, ekonomisë e xhepit të gjithësecilit, nuk ka zgjidhje tjetër për të parë shpresën sesa tek opozita politike që qytetarët në tubim e përfaqësojnë çdo natë dhe populli shqiptar herë pas here e përfaqëson në bulevard.
‘Gjatë këtyre muajve ka patur plot ngjarje, plot skandale, plot problem në Shqipëri por ka patur gjithashtuedhe një konstante positive, një konstante demokratike, nje konstante europiane dhe kjo është prania juaj cdo natë në këtë rrugë që jo më kot e quajnë ‘Rruga e Shpresës’, dhe nqsoftëse trishtohemi për gjendjen e shqipërisë për gjendjen e popullit, për gjendjen e demografisë, ekonomisë e xhepit të gjithësecilit, nuk besoj se ka zgjidhje tjetër për të parë shpresën sesa tek opozita politike që ju e përfaqësoni çdo natë dhe populli shqiptar herë pas here e përfaqëson në bulevard.
Shoh në publik , kryesisht në mediat e kapura nga pushteti dhe të majmura nga paratë e inceneratorëve, sulme të vazhdueshme ndaj partive politike. Partitofobi. Dhe sulmet më të mëdha vijnë për partinë demokratike dhe opozitën. Dhe thonë, ç’na duhen partitë? Ç na duhen këto struktura, përse kryetarët ti zgjedhi anëtarësia apo forumet , le ti zgjedhim me konkurs ne Facebook, është pikërisht një agresion subtil për të delegjetimuar jo pushtetin e korruptuar që është rehatë më majmurinë e vet në këtë pikë, por opozitën që është shpresa dhe mundsia e vetme per ndryshim ne këtë vend.
Prandaj dhe ato që bëjnë rekurse me subjekte që kanë një kryetar dhe një anëtar nuk veprojnë në mënyrën e duhur.’- u shpreh Pollo.
