Një tjetër ngjarje tragjike ka ndodhur në një kantier ndërtimi në Tiranë.
Sipas informacioneve të para të policisë, një punëtor i moshës 58-vjeçare ka gjetur vdekjen e menjëhershme pasi ka rënë nga një pallat në ndërtim e sipër.
“Më datë 27.08.2024, në kryqëzimin e rrugës “Dërvish Luzha”, dyshohet se, aksidentalisht duke punuar, është rrëzuar nga lartësia e një pallati në ndërtim e sipër, shtetasi K. I., 58 vjeç, i cili si pasojë e dëmtimeve të marra, ka ndërruar jetë në vendngjarje. Grupi hetimor po punon për sqarimin e rrethanave të ngjarjes”, njofton policia.
Së fundmi janë shtuar rastet ku punëtorët e pallateve gjejnë vdekjen pasi rrëzohen për shkak se punojnë në kushte të pasigurta të sigurta. Ky është rasti i përsëritur ku brenda pak muajve shumë punëtorë kanë humbur jetën për shkak se punojnë jashtë çdo standardi, ndërsa autoritetet janë inegzistente për shkak se “taksidarët” mbyllin sytë përballë ryshfetit që ofrojnë ndërtuesit e pallateve.
