Edhe mali i Tomorrit duket se nuk i ka shpëtuar zjarreve këtë verë, teksa është përfshirë nga flakët pasditen e kësaj të hëne.
Zjarrio ka rënë në zonën e Parkut Kombëtar të Tomorrit në Berat (pjesa e Skraparit), duke djegur kurorën me pisha. Mësohet se vatra ndodhet në zonën e “Majës së Çukës”, aty ku mbahet pelegrinazhi i përvitshëm i besimtarëve bektashinj.
Flakët po përhapen me rrezikshmëri edhe për shkak të erës dhe terrenit të thyer. Drejt vendit të ngjarjes janë nisur punonjësit e zjarrfikëses, pyjores dhe policisë së Skraparit dhe Poliçanit.
Ndërhyrja nga terreni cilësohet e vështirë, teksa pritet të kërkohet edhe ndihma nga ajri.
