Policia e Dibrës ka arrestuar një 31-vjeçar, i cili ishte shpallur në kërkim nga drejtësia, pasi akuzohet për tentativë vrasjeje.
Në pranga është vënë shtetasi Esmerald Selxhaferri, banues në Peshkopi. Sipas njoftimit të autoriteteve, për 31-vjeçarin Gjykata e Dibrës ka caktuar masën e sigurisë “Arrest në burg” për veprat penale “Vrasja me dashje”, kryer në bashkëpunim, mbetur në tentativë, dhe “Prodhimi dhe mbajtja pa leje e armëve, armëve shpërthyese dhe municionit”.
Sipas Policisë së Dibrtës, ky shtetas ishte shpallur në kërkim pasi dyshohet se në vitin 2022 në bashkëpunim me shtetasin B. S., kanë tentuar të vrasin me armë zjarri shtetasin A. L., pas një konflikti të çastit me të.
Materialet procedurale i kaluan Prokurorisë pranë Gjykatës së Shkallës së Shkallës së Parë të Juridiksionit të Përgjithshëm Dibër, për veprime të mëtejshme
