Ngjarja e fundit që ndodhi në një klub në Pejë të Kosovës, ku një personazh Tik toku i njohur si Medi, emri i plotë i të cilit është Muhamet Iseni, u rrah nga disa të rinj, mori vëmendjen e opinionit publik, medias dhe organeve të drejtësisë në Kosovë pasi në ngjarje u përmend edhe Rigels Rajku, ose siç njihet me emrin e artit, Noizy.
Ndërkohë që lajmi u bë publik, policia dhe akuza nisën hetimet, ndërsa autorët që u përfshin në konflikt u morën në pyetje.
Mbrojtësit e autorëve, tregojnë një tjetër të vërtetë, duke dashur të nxjerrin të pafajshëm, Noizin dhe atë se çfarë ai prodhoi nga kjo ngjarje si dhe personazhin e Tik Tok me emrin Medi.
Por, si është e vërteta e ngjarjes dhe zhvillimeve para ngjarjes me aq sa dime deri tani?
Një natë përpara ngjarjes ku Muhamet Iseni u përlesh në një klub në Pejë, ai ishte live në Tik Tok me reperin Clevio, kundërshtar i njohur i Noizyt, të cilit i thoshte se do shkojë në klubin ku do performojë Noizy dhe do ‘bënte pompa në prapaskenë”. E thënë ndryshe, Medi, lë të kuptohet gjatë live me Clevion se do të shkojë dhe të tregojë forcën në koncertin e Noizyt.
Gjithsesi, ngjarja është duke u hetuar dhe mediat kanë pasqyruar atë që u publikua në rrejetet sociale.
