Janë publikuar pamjet e dhunimit barbar të Muhamet Isenit, i njohur në TikTok si “Medi” dhe mikut të tij Bekim Hardergjonaj, nga grupi i reperit Rigels Rajku, i njohur me emrin e artit si Noizy.
Ngjarja ndodhi brenda një klubi nate në Pejë të Kosovës në orët e para të mëngjesit të 2 Gushtit. Pamjet janë publikuar nga vetë Medi në rrjetet sociale, teksa ai akuzon reperin Stresi (Arkimed Lushaj) se e ka futur në kurth.
Në pamje shihet teksa një grup prej disa personash dhunojnë me grushte Medin, teksa ai është i mbuluar në gjak, si dhe shenja gjaku shihen edhe në tokë.
“Ky është Arkimed Lushaj, edhe video mka bo djali i Sali Lushës t’besës. 10 veta kjo osht pa besija po mirë mirë fituat.” – shkrun Medi sipër videos.
Medi Iseni dyshohet se u pre në besë nga Stresi, i cili dyshohet se e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij.
Pasi Medi Iseni dhe shoku i tij u futën në një dhomë, aty ata u përballën me Noizyn dhe 7 persona të tjerë të grupit të tij, duke u dhunuar me doreza hekuri dhe sende të forta. Pas ngjarjes ata u dërguan me urgjencë në spital me plagë të shumta në kokë dhe trup.
Ndërkohë deri ml tani nuk është raportuar për persona të arrestuar, teksa Noizy mbrëmjen e djeshme u shoqërua në Polici, duke anuluar koncertin në një lokal të Ferizajt.
Noizy dhe Medi Iseni janë përfshirë në konflikt edhe rreth dy vite më parë. Ngjarja ndodhi gjatë një koncerit të reperit,ku fansat e tij dhunuan duke qëlluar me grushte Medi Isenin.
*Kujdes! Video më poshtë përmban pamje të rënda dhune, si dhe fjalor banal!
