Policia e Tiranës ka dalë me një komunikatë paraprake për mediat në lidhje me zjarrin që ka përfshirë një ndërtesë pranë autostradës Tiranë-Durrës.
Blutë e kryeqytetit bëjnë me dije se zjarri ka rënë në një fabrikë për prodhimin e këpucëve në fshatin Picar të Vorës. Forcat e zjarrfikëse ndodhen në vendin e ngjarjes dhe po punojnë për shuarjen e flakëve. Siç shihet edhe në foton e mësipërme, zona aty është përfshirë nga një shtëllungë e madhe tymi.
Ende nuk dihet shkaku i rënies së zjarrit. Grupi hetimor po punon për sqarimin e rrethanave të ngjarjes.
