Një zjarr i përmasave të mëdha ka rënë në Vlorë, në afërsi të fshatit Kaninë, që ka përfshirë një sipërfaqe të mbjellë me ullinj.
Flakët po përhapen me shpejtësi duke u favorizuar nga era.
Dyshohet për një zjarrvënie të qëllimshme, teksa flakët vazhdojnë të përhapen me shpejtësi, duke djegur një sipërfaqe të madhe me bimësi.
Gjithashtu në rrezik janë dhe dy banesa që ndodhen pranë zonës.
Terreni malor i ka vështirësuar punën zjarrfikësve të avancojnë në mënyrë që të vënë nën kontroll flakët.
