Pasi njoftoi ndryshimet në qeveri gjatë Kongresit të, kryeministri Edi Rama ka shkuar në Presidencë dhe është takuar rreth 20 minuta me presidentin Bajram Begaj, ku i ka dorëzuar dekretet për ndryshimet e reja.
Begaj ka qenë në zyrë që në mëngjesin e sotëm dhe duket se ka qenë në dijeni për ndryshimet që kryeministri kishte planifikuar të bënte në kabinetin qeveritar.
Pritet që këto ndryshime të dekretohen brenda ditës, ndërsa Rama ka lënë Presidencën duke u shfaqur i buzëqeshur.
Cilat janë ndryshimet në qeveri:
Elisa Spiropali – lë postin e ministres së shtetit për Marrëdhëniet me Parlamentin – Emërohet Kryetare e Kuvendit pas dorëheqjes së Lindita Nikollës
Taulant Balla – Largohet nga posti i ministrit të Brendshëm – Emërohet ministër i Marrëdhënieve me Parlamentin – Post i mbajtur deri sot nga Elisa Spiropali
Ervin Hoxha emërohet Ministër i Brendshëm – Post i mbajtur deri sot nga Taulant Balla. Hoxha aktualisht mbante postin e kreut të IKMT-së
Petrit Malaj – Emërohet Ministër i Financave – Post i mbajtur deri sot Ervin Mete. Malaj aktualisht mbante postin e kreut të AKBN-së
Pirro Vëngu –Emërohet Ministër I Mbrojtjes – Post i mbajtur deri sot nga Niko Peleshi! Vëngu aktualisht mbante postin e Drejtorit të Autoritetit Portual të Durrësit
Bledi Çuçi – Ikën nga posti i kryetarit të grupit PS – Emërohet Nënkrytetar i parlamentit, post i mbajtur deri sot nga Ermonela Felaj.
Niko Peleshi – Ikën nga posti i Ministrit të Mbrojtjes – Emërohet kreu i grupit PS
