Ish-kryeparlamentarja Lindita Nikolla është shfaqur në krah të kryeministrit Edi Rama në Kongresin e sotëm Zgjedhor të Partisë Socialiste.
Nikolla dha dorëheqjen nga posti i kryetares së Kuvendit tre ditë më parë, në seancën e fundit plenare të këtij sesioni, teksa sipas saj, arsyeja e marrjes së këtij vendimi ishte për shkaqe “shëndetësore”.
Nuk dihet nëse Edi Rama do të propozojë ditën e sotme emrin e kryeparlamentarit të ri apo jo. Emrat më të përfolur janë ata të ministres së Shtetit për Marrëdhëniet me Parlamentin, Elisa Spiropalit, si dhe kreu i grupit parlamentar të PS-së, Bledar Çuçi.
