Tre shqiptarë të moshës 19 deri në 25 vjeç u arrestuan të enjten, 24 korrik, në Issoire (Puy-de-Dome), në kuadër të një operacioni antidrogë.
Hetimi i nisur disa javë më parë nga brigada kërkimore, bëri të mundur identifikimin e tre personave si tregtarë të mundshëm droge.
Policia gjeti dhe sekuestroi 1200 euro në kartëmonedha dhe 30g kanabis. Kokaina e paketuar në thasë dhe e gatshme për shitje si dhe dy peshore precize, ishin fshehur në dollapin elektrik të pallatit.
