Dhjetëra forca policie dhe RENEA kanë shoqëruar Dritan Dajtin në varrimin e nënës se tij, e cila ndërroi jetë një ditë më parë.
Nën masa të rrepta sigurie, i shoqëruar me dhjetëra forca policie e forcat RENEA, Dritan Dajti la për disa orë qelinë dhe iu bashkua të afërmve të tij në Tufinë për t’i dhënë lamtumirën e fundit të ëmës.
Më pas, Dajti u kthye në ambientet e burgut të Peqinit ku vuan dënimin, një dënim ende i diskutueshëm dhe në proces gjyqësor, pasi dënimi me 25 vite burg ka përfunduar, ndërkohë që i Dajti e cilëson të paligjshëm vendimin për burgim të përjetshëm.
Pamjet e publikuara nga “Panorama”, teksa Dajti shfaqet i lidhur me pranga me efektivë të policisë, të cilët ishin të veshur me jelekë antiplumb. Një detaj tjetër që ra në sy ishte fakti që Dajti ishte veshur me të zeza dhe me syze qendron buzë varrit të së ëmës.
