11 personat që u arrestuan në kuadër të operacionit “Poker 2” dolën këtë të premte përpara Gjykatës së Tiranës për tu njohur me masën e sigurisë.
Prokurori i çështjes kërkoi nga trupi gjykues caktimin e masës së lehtë “detyrim paraqitje” për të gjithë grupin, kërkesë e cila u pranua nga togat e zeza.
Dy ditë më parë, shërbimet policore të komisariatit numër 2 arrestuan shtetasit Ylard Lala, Rexhep Noka, Eglantin Fejzaj, Nikolin Prenga, Fatmir Rumani ,Arbjon Tocilla, Marjan Ndoj, Henrik Bruka, Romario Kodra, Erjola Vllahu dhe Cen Mehmetaj.
Këta persona u kapën në flagrance duke organizuar lojëra fati ne kundërtim me ligjin, në një lokal në rrugën “Andon Zako Çajupi”, në kryeqytet. Ylard Lala, vëllai i ish-deputetes së PS, Reme Lala dhe djali i biznesmenit Ymer Lala, ishte administrator i këtij lokali. Ylard Lala rezulton të jetë edhe punonjës i Gardës së Republikës.
Lidhur me të njëjtin operacion, 7 persona u proceduan ne gjendje të lirë për moskallëzim krimi.
